Јуридика

ТРЕНИНГ ПРОГРАМИ ДИЗАЈНИРАНИ СПОРЕД ВАШИТЕ ПОТРЕБИ ЗА КОМПАНИСКИ РАЗВОЈ И РЕШАВАЊЕ НА ПРАВНО-ЕКОНОМСКИ ПРЕДИЗВИЦИ ВО РАБОТЕЊЕТО!

ЈУРИДИКА e Асоцијација за правно-економски истражувања и едукација со седиште во Скопје, која активно работи повеќе од 10 години во областите на промоција и практична примена на добрите деловни практики, развивање на стимулативна - бизнис ориентирана правна регулатива, вонсусдко решавање на споровите, со акцент на мирно решавање на спорови и медијација. Нашиот тим поседува големо искуство во организација на обуки за развој на професионалните капацитети на менаџерите и вработените, како и стручност во спроведувањето истражувања и правна анализа на влијанието на законската регулатива врз развојот на компаниите. Активностите на Јуридика се фокусирани на анализи, истражувања, обуки и едукација за работодавачи и работници, синдикални организации, како и директно учество во креирањето на законската рамка во Република Македонија. Уредувањето и унапредувањето на правниот ситем воопшто, а особено судскиот систем, економските реформи и создавањето одржливо деловно опкружување, реформа на социјалното и трудовото право, колективното преговарање и договарање, како и развојот на трипартитниот систем како култура на решавање на општествените проблеми и предизвици, значително ќе придонесе за приближување на земјата кон европските стандарди во областите на трудовото, деловното, и социјалното право во кои особено делуваме како асоцијација за правно-економски истражувања и едукација. Повикани да работиме за општото добро чувствуваме одговорност да помогнеме во унапредување на бизнис климата во земјата, изградба и јакнење на довербата кон институциите, развој на социјалниот дијалог, нова деловна свест и обезбедување на достоинствен живот на секој граѓанин во Македонија.