Во рамки на проектот: „Колективните договори – клуч за успешен систем на Безбедност и здравје при работа“, финансиран од ЕУ, Асоцијација за правно – економски истражувања и едукација „Јуридика“, оддржа работилница за Јакнење на капацитетите на работодавачите преку имплементирање на системот на БЗР во колективните договори.

На работилницата панелисти – излагачи беа проф. д-р. Лазар Јовевски, како експерт од колективното договарање и безбедноста и здравјето при работа, Ангел Димитров – Претседател на Организација на работодавачите на Македонија, м-р. Милан Петковски – претседател на Македонското здружение за заштита при работа, Миле Бошков – Претседател на Бизнис Конфедерација на Македонија. Модератор на настанот беше Пепица Честојнова – дел од тимот на Јуридика, и проектен менаџер на гореспоменатиот проект.

Гости на работилницата беа работодавачи, како и студенти, кои своите претходно стекнатите знаења и капацитети, ги пренесоа низ дискусија со панелистите.

На работилницата се дискутираше на неколку суштински прашања како панел рамка за панелистите – излагачи, но исто така и со просторот за дискусија и заклучоци се отворија и други теми, поенти и заклучоци за системот на Безбедноста и здравјето при работа низ призма на негова примена преку колективните договори.

Бидете во тек со објавите на Јуридика за сите настани кои ќе ги преземаме во иднина!