„Јуридика“ на конференција за одбележување на 11 години од примена на Законот за безбедност и здравје при работа: „Анализа на Законот за безбедност и здравје при работа“ организирана од Македонско здружение за заштита при работа.
По повод 11 години примена на Законот за безбедност и здравје при работа, Македонското здружение за заштита при работа, организираше конференција за Анализа на истиот. Активно учество земаа професорот Агим Шакири, еден од креаторите на Законот за безбедност и здравје при работа, претставници од Македонското здружение за заштита при работа, професорот Лазар Јовевски, претставници од Министерството за труд и социјална политика, невладини сектори, претставници од здружение на работодавачи, и синдикалните организации.
Законот за безбедност и здравје при работа е донесен пред 11 години, претрпел над 10 измени. На конференцијата активно се споделуваа експертски, и мислења од пракса за тоа кој дел од законот треба да трпи измени, како досегашните измени се имплементирани во пракса, и дали да се донесе целосно нов закон или не.