Денес на Правниот Факултет “Јустинијан Први”, со подршка на меѓународната организација ОБСЕ се оддржа промоција на учебникот “Антидискриминационо право” чии автори се Д-р. Жанета Попоска – вонреден професор на Правниот Факултет Гоце Делчев – Штип и доцент Д-р. Лазар Јовевски – професор на катедрата по Трудово право при факултетот “Јустинијан Први”.
Промотори на учебникот “Антидискриминационо право” беа деканот на Правниот Факултет “Јустинијан Први” – Д-р. Горан Коевски, и деканот на Правниот Факултет Гоце Делчев во Штип – Д-р. Јован Ананиев, кој воедно е и Рецензент на книгата.
На промоцијата беа присутни судии од Основните судови во Р. Македонија и Апелациониот суд во Скопје, професори од Правниот и Економскиот факултет, студенти од Правниот Факултет, Адвокати, и претставници од бизнис секторот и од синдикатите.
Целта на учебникот е да претставува едноставна алатка која на студентите на правните факултети и стручната јавност ќе им даде насоки во идентификувањето на суштинските елементи и карактеристики на антидискриминациското право во рамките на меѓународниот и националниот правен систем, како и на институционалната инфраструктура за негова заштита.
